Eliot Engel: Serbia jashtë BE-së, pa njohur Kosovën

“Serbia nuk do të anëtarësohet në Bashkimin Evropian derisa të njohë Kosovën”, tha dje presidenti i Komitetit për Punë të Jashtme të Dhomës së Përfaqësuesve amerikan, Eliot Engel.

“Kosova është e pavarur, ajo kurrë nuk do të kthehet,” u shpreh më tej Engel në mbledhjen e bordit, në të cilën Daniel Server, Janush Bugajski dhe Madeleine Albright ishin gjithashtu të ftuar.

Po gjatë kësaj seance, eksperti për Ballkanin, Daniel Serwer tha se presidenti i zgjedhur i SHBA-së, Joe Biden duhet të konsultohet me evropianët dhe të paraqesë një vizion të përbashkët për rajonin e Ballkanit Perëndimor.

Sipas tij, udhëheqja nga BE-ja e dialogut ndërmjet Kosovës dhe Serbisë mund të ndihmojë, por në këtë proces ka nevojë që të ketë një angazhim amerikan.

Ai po ashtu shprehu nevojën e një mekanizmi mbikëqyrës për dialogut, por edhe për zgjatjen e mandatit të Dhomave të Specializuara, në mënyrë që ato të kenë juridiksion edhe mbi krimet e kryera në Serbi.

Lexoni gjithashtu:

Rifillimi i dialogut me Serbinë, diplomati: S’mund të gjendet një zgjidhje, thjesht po i mbajnë palët në kontakt