U plagos gjatë protestës, polici i nënshtrohet ndërhyrjes së parë kirurgjikale

Euronews Albania mëson se punonjësi i Policisë me iniciale F.A që u plagos në protestën e djeshme në kryeqytet, i është nënshtruar një ndërhyrjeje kirurgjikale.

36-vjeçari ka kryer një operacion në shërbimin e Okulistikës, por dëmtimit të rëndë në sy.

Referuar mjekëve që kryen ndërhyrjen, efektivi do t’i nënshtrohet një ndërhyrje të dytë, pasi prognoza është mjaft e rëndë.

Qindra qytetarë dolën dje në protestë për ekzekutimin e 25-vjeçarit Klodian Rasha nga një efektiv i Policisë së Shtetit.

Me thirrjet për dorëheqjen e kryeministrit Edi Rama dhe ministrit Sandër Lleshaj, protesta u shoqërua edhe me tensione, ku prej përplasjeve fizike 16 punonjës të rendit mbetën të lënduar.

Për këtë protestë policia ka arrestuar 3 persona dhe ka shpallur në kërkim 8 të tjerë.

Ndërkohë pasditen e sotme pritet të zhvillohet një tjetër protestë pranë ministrisë së Brendshme.

Lexoni gjithashtu:

Vrasja e Klodian Rashës, avokati: Policia ndihmoi efektivin, akuza duhet të ishte ‘Vrasje me dashje’

Publikohet ekspertiza paraprake, Rasha s’ka plumb në kokë, polici ka qëlluar dy herë

Ish-drejtuesi i Policisë: Efektivi vrau me dashje Klodian Rashën, nuk pati sulm nga ana e viktimës