Debati për ndryshimin e adresave, gjendja civile i përgjigjet KQZ-së: Nuk ka lëvizje pa kërkesa

Nuk ka asnjë mundësi që qendrat e votimit të ndryshohen pa pasur fillimisht një kërkesë nga ana e vetë qytetarit.

Pohimi erdhi nga Drejtoria e Gjendjes Civile pas pyetjeve që drejtoi KQZ, si reflektim i shqetësimit nga opozita.

Drejtoria e Përgjithshme e Gjendjes Civile i është përgjigjur 10 pyetjeve nga KQZ, për problematikat e ngritura ditët e fundit në lidhje me ndryshimin e adresave të qytetarëve.

Pretendimet se këto ndryshime mund të ndikojnë zgjedhjet e ardhshme të 25 prillit, Drejtoria e Gjendjes Civile i ka hedhur poshtë, duke theksuar se nuk ka asnjë rast të tillë që mund të ketë ndodhur pa pasur një kërkesë nga ana e vetë qytetarëve.

Sipas letrës nga Drejtoria e Gjendjes Civile, nuk ekziston asnjë mundësi që zgjedhësit të jenë në listat e një qarku për efekt zgjedhjesh, dhe njëkohësisht në një qark tjetër në ekstraktin e popullsisë.

Kjo çështje u ngrit fillimisht nga Partia Demokratike, e cila akuzoi ministrinë për ndryshime të listave zgjedhore, duke ia shtruar më pas si pyetje edhe Komisionit Qendror të Zgjedhjeve.

Lexoni gjithashtu: 

Akuzat për adresat e banimit, Celibashi: Nuk do të nxitohemi me mandatet, presim informacion nga Gjendja Civile