Hetimet për vrasjen e Klodian Rashës, Prokuroria kërkon ‘arrest me burg’ për efektivin

Një takim urgjent është duke u zhvilluar tani në Prokurorinë e Tiranës mes drejtorit të Shërbimi për Çështjet e Brendshme dhe Ankesave në Policinë e Shtetit, Muhamet Rrumbullaku dhe strukturave të tjera hetimore, për vrasjen e 25-vjeçarit Klodian Rasha.

Mësohet se drejtori i SHÇBA-së dhe strukturat e tjera hetimore, po analizojnë ngjarjen me detaje si dhe po nxjerrin detyrat për hetimin objektiv te çështjes.

Ndërkohë është dërguar në gjykatë nga ana e Prokurorisë kërkesa për caktim masë sigurimi personal “arrest ne burg”, për efektivin me iniciale N.H.

Klodian Rasha u vra me armë zjarri tre ditë më parë nga një efektiv i forcave “Shqiponja” në zonën e Laprakës në Tiranë. 

Për këtë ngjarje të rëndë qindra qytetarë dolën dje në protestë.

Me thirrjet për dorëheqjen e kryeministrit Edi Rama dhe ministrit Sandër Lleshaj, protesta u shoqërua edhe me tensione, ku prej përplasjeve fizike 16 punonjës të rendit mbetën të lënduar.

Për këtë protestë policia ka arrestuar 3 persona dhe ka shpallur në kërkim 8 të tjerë.

Ndërkohë pasditen e sotme pritet të zhvillohet një tjetër protestë pranë ministrisë së Brendshme.

Lexoni gjithashtu:

Publikohet ekspertiza paraprake, Rasha s’ka plumb në kokë, polici ka qëlluar dy herë

Të rinjtë e FRPD-së protestë për vrasjen e Klodian Rashës: Lleshaj të japë dorëheqjen