Fotogaleri: Tirana zhytet në kaos, protesta për të riun e vrarë shpërthen në dhunë mes protestuesve dhe policisë

Rrugët kryesore të kryeqytetit u zhytën në kaos të enjten mbrëma, pasi një grup i madh protestuesish u derdhën në bulevardin kryesor të Tiranës për të protestuar për të dytën ditë radhazi ndaj dhunës policore, që shkaktoi vdekjen e të riut Klodian Rasha.

Protestuesit qëlluan me gurë dhe sende të forta ndaj institucioneve si Ministria e Brendshme dhe Kryeministria, ndërsa policia iu përgjigj me gaz lotsjellës, plumba gome dhe ujë për të shpërndarë turmën.

Ra në sy pjesëmarrja e lartë e të rinjve, disa prej të cilëve ende adoleshentë që ushtruan aktet e dhunës. Këto janë disa nga çastet kryesore të shkrepura për Euronews Albania nga fotoreporterja Loreta Cuka.