Protesta për vrasjen e 25-vjeçarit, gurë dhe sende të forta ndaj institucioneve. FNSH përdor gaz lotsjellës

Protestat kundër vrasjes së 25-vjeçarit Klodian Rasha nga Policia, kanë vijuar dhe mbasditen e së enjtes në kryeqytet. Protestuesit u mblodhën sërish para Ministrisë së Brendshme, ku kërkuan drejtësi për viktimën.

Protesta degradoi në dhunë që në nisje, ku qytetarët u përplasën me policinë, e cila përdori gazin lotsjellës. 

As dorëheqja e Ministrit Lleshaj nuk i kënaqi protestuesit, të cilën vijuan protestat e tyre. Nëpërmjet gazit lotsjellës, policia shpërndau turmën në disa zona. Kjo përforcoi revoltën, pasi protestuesit thyen sinjalistikën rrugore në shumë pika në kryeqytet, konkretisht në zonën e bllokut, 21-shit, zonën pranë rrugës së Elbasanit etj. 

Krahas përplasjeve të shumta, efektivët kanë shoqëruar edhe disa të rinj, pjesëmarrës në protestë. Qytetarët e revoltuar nuk kanë kursyer as selinë e PS-së. Disa deputetë që kanë qenë në selinë e rozë janë larguar menjëherë, pasi protestuesit kanë tentuar të hyjnë në hollin e selisë. 

Qytetarët kanë bllokuar dhe hyrjen e rrugës së Durrësit nga ana e qendrës së Tiranës. Ata kanë vendosur kangjellat e hekurit me të cilat policia kishte rrethuar Ministrinë e Brendshme.

Lexoni gjithashtu:

Fotogaleri: Tirana zhytet në kaos, protesta për të riun e vrarë shpërthen në dhunë mes protestuesve dhe policisë

Plumba gome dhe gaz lotsjellës, përfundon me 7 persona të lënduar protesta për vrasjen e Klodian Rashës