Numri më i lartë i rasteve me COVID-19 që nga marsi, 12 persona humbën jetën

Gjatë 24 orëve të fundit në vendin tonë janë regjistruar 879 raste të reja me COVID-19 në 2734 testime të kryera, shifra më e lartë e raportuar ndonjëherë që prej muajit mars.

Ministria e Shëndetësisë bëri me dije se 12 persona kanë humbur jetën për shkak të virusit.

“Rastet pozitive të konfirmuara janë identifikuar në këto bashki:

252 raste në Tiranë, 62 në Shkodër, 49 në Durrës, 40 në Kavajë, 35 në Sarandë, 32 në Lushnje, nga 31 raste në Krujë, Kuçovë, 30 në Vlorë, 28 në Elbasan,  24 në Mat, 22 në Kukës, 20 në Pogradec, nga 19 raste në Gjirokastër, Fier, 18 në Korçë, 17 në Lezhë,  nga 15 raste në Bulqizë, Peqin, Skrapar, nga 14 raste në Mirditë, Përmet, 10 në Tepelenë, 9 në Malësi e Madhe, 8 në Kurbin, nga 7 raste në Gramsh, Devoll, Dibër, nga 6 raste në Has, Mallakastër, nga 5 raste në Berat, Kolonjë, nga 3 raste në Delvinë, Tropojë, 1 në Pukë.

Në 24 orët e fundit janë shëruar 384 qytetarë, duke e çuar numrin e të shëruarve 24.520 që nga fillimi i epidemisë. 

Aktualisht në 4 spitalet COVID, po trajtohen 455 pacientë, 27 në terapi intensive, 7 pacientë janë të intubuar.

Me gjithë përpjekjet e mjekëve, në 24 orët e fundit, kanë humbur jetën 12 qytetarë me Sars-Cov2 pozitiv në spitalet COVID: 9 qytetar nga Tirana, 1 qytetar nga Korça, 1 qytetar nga Lezha, 1 qytetar nga Kuçova, të moshave 43-92 vjeç”, sqaron Ministria e Shëndetësisë.

COVID-19 – Statistika (12 Dhjetor 2020)

Raste të reja ditore         879

Të shëruar ne 24 orë      384

Të shtruar në spitale      455

Humbje jete në 24 orë   12

Testime ditore              2.734

Testime totale           219.175

Raste pozitive            47.742

Raste të shëruara       24.520

Raste Aktive             22.233

Humbje jete              989