Protesta e djeshme për Klodian Rashën, arrestohen 2 persona në Tiranë, nën hetim 18 të tjerë

Policia e Tiranës ka vënë në pranga 2 persona dhe ka proceduar penalisht 18 të tjerë të cilët ishin pjesë e protestës së organizuar një ditë më parë për vrasjen e 25 vjeçarit, Klodian Rasha.

Sipas uniformave blu bëhet me dite se një nga të arrestuarit ishte kapur me lëndë narkotike me vete, ndërsa një tjetër ishte shpallur në kërkim si pjesëmarrës në protestën e 9 dhjetorit.

“Specialistët për Hetimin e Krimit në Komisariatin e Policisë Nr.1, në bashkëpunim me Komisariatin e Policisë Nr.3 dhe Seksionin për Hetimin e Narkotikëve, bënë arrestimin në flagrancë të shtetasit A.M., 21 vjeç, pasi në rrugën “Myslym Shyri”, është konstatuar duke protestuar në mënyrë të paligjshme, ku ka kryer veprime të dhunshme në drejtim të punonjësve të policisë, duke hedhur ndaj tyre sende të forta si gurë, lëndë piroteknike si dhe sende të tjera, ku nga kontrolli fizik, iu gjet dhe sekuestrua në cilësinë e provës materiale një sasi me lëndë të dyshuar narkotike e llojit kanabis.

Gjithashtu është bërë ndalimi i shtetasit të shpallur në kërkim A.Sh (T)., 33 vjeç, pasi është identifikuar nga pamjet filmike si pjesëmarrës i protestës të datës 09.12.2020 dhe sërish pjesmarrës i protestës të zhvilluar ditën e djeshme. Si dhe janë proceduar në gjendje të lirë 18 shtetas.

Si pasojë e dhunës me gurë, sende të forta dhe lëndë piroteknike në drejtim të DVP Tiranë dhe punonjësve të Policisë të planizuar me sherbim për ruajtjen e këtij institucioni është dëmtuar në pjesën e syrit nga një kapsollë 1 punonjës policie”, thuhet në njoftimin e Policisë.

Lexoni gjithashtu:

Dita e katërt e protestës, policia shpërndau protestuesit me gaz lotsjellës, shoqërohen disa persona

Nuk lejohet grumbullimi, policia rrethon dhe fut në kurth protestuesit duke përdorur gaz lotsjellës. Dhjetëra të shoqëruar