Parashikimi i motit, Hakil Osmani: Javë me mot të qëndrueshëm e vranësira të lehta

Si çdo të hënë meteorologu pranë Meteoalb Albania, Hakil Osmani tregoi për Euronews Albania situatën meteorologjike në vend dhe rajon për javën.

Moti gjatë kësaj jave do të jetë i qëndrueshëm sipas Osmanit ku herë pas here do të kemi dhe prezencë vranësirash.

“Pjesa më e madhe e vendit tonë do të jetë e dominuar nga moti i kthjellët por po ashtu edhe fundjava mbetet me mot të qëndrueshëm me prezencë shumë pak të vranësirave, këto kryesisht në zonat malore dhe lindore të territorit shqiptar,” – tha meteorologu.

Ai tregoi se presim një rritje të vlerave termike ku rritja më e ndjeshme do të jetë në vlerat minimale ndërkohë që maksimumet mbeten konstante me luhatje të vogla termike.

Sa i takon Kosovës dhe Maqedonisë së Veriut, përsëri do të kemi mot të qëndrueshëm me vranësira të lehta. Vlerat minimale do të shkojnë deri në -2 gradë ndërkohë ato maksimale nuk do të jenë më shumë se 10 gradë.