Verstapen triumfon në Abu Dabi, holandezi lë pas dy makinat ‘Mercedes’

Max Verstapen arrti të mbyllte në mënyrën më të mirë këtë sezon të Formula 1 duke triumfuar në garën e Abu Dabit që ishte e fundit për këtë kampionat.

Një interpretim fantastik i  holandezit, i cili u nis nga Pole Position dhe arriti të ruante kreun deri në fund duke treguar edhe një herë se me një makinë në gjendje të mirë mund të bëjë shumë. Menjëherë pas tij u renditën Valteri Bottas dhe Hamilton.

Piloti i Red Bull është i vetmi që është munduar të qëndrojë më pranë dy makinave ‘Mercedes’ edhe pse diferencat mes makinave kanë qenë të mëdha.

Duhet thënë që ky vit ka qenë i gjithi nën dominimin e shigjetave të argjenda. Lewis Hamilton arriti të fitonte titullin e 7 kampion botë dhe në sezonin tjetër do jetë ai piloti për tu mundur.

U mbyll edhe aventura e Sebastian Vettel në timonin e Ferrarit. Gjermani zhvilloi garën e fundit me kokëkuqen nga maranello dhe vitin e ardhshëm do e shohim në timonin e një makine Aston Martin.