UEFA Champions League, shorti cakton përballje si Barcelona-PSG apo Atletico-Chelsea

Shorti i Nionit në Zvicër ka caktuar ndeshjet e fazës me eliminim direkt në UEFA Champions League duke vendosur duele si Barcelona-Paris Saint-Germain, apo Atletico Madrid-Chelsea.

Kështu do të jetë një ri-ndeshje mes katalanasve dhe parisienëve, sfidë kjo që rikthen në vëmendje rezultatin e tre viteve më parë, kur PSG pasi fitonte 4-0 ndeshjen e parë, eliminohej me një humbje të thellë 6-1 në Camp Nou.

Frymëzues për francezët është fakti se tashmë katalanasit nuk e kanë të ashtuquajturën treshe MSN – Messi, Suarez, Neymar, – pasi ky i fundit është bashkuar me ta, ndërsa Suarez ka kaluar te Atletico.

Pikërisht këta të fundit kanë gjithashtu një ri-përballje gjithashtu të fortë me anglezët e Chelsea-it. Dy vite më parë këto dy skuadra ndesheshin në grupe, ku Morata dhe Batshuayi i dhanë fitoren 2-1, ndërsa sfida e parë kishte përfunduar barazim 1-1.

Përballjet e caktuara janë:

• Borussia Monchengladbach – Manchester City
• Lazio – Bayern Munich
• Atletico Madrid – Chelsea
• Leipzig – Liverpool
• Porto – Juventus
• Barcelona – PSG
• Sevilla – Dortmund
• Atalanta – Real Madrid

Ndeshjet e vajtjes do të luhen në datat 16-17 dhe 23-24 shkurt, ndërsa ato të kthimit në datat 9-10 dhe 16-17 mars.