Emir Tahiri: Revolta e të rinjve ndaj klasës politike po tentohet të manipulohet

Emir Tahiri, përfaqësues i lëvizjes “Diaspora për Shqipërinë e Lirë” duke folur nga Stambolli për situatën e protestave në Shqipëri thotë se revolta qytetare ndaj klasës politike po përpiqet të manipulohet.

Sipas tij të rinjtë po protestojnë ndaj situatës politike dhe sociale në Shqipëri nisur nga ngjarja e fundit tragjike ku vra 25-vjeccari Klodian Rasha.

“Qytetarëve u është kufizuar e drejta e protestës. Është tentuar të manipulohet revolta e qytetarëve. Ka një insistim sikur e gjitha kjo revoltë nxitet nga një ose dy parti politike në opozitë. Ngjarja tragjike e vrasjes së Klodian Rashës nuk mund të izolohet si ngjarje individuale pasi ajo vjen për shkak të përkeqësimit të situatës politike dhe sociale në Shqipëri”, u shpreh Emir Tahiri.

Sipas përfaqësuesit të lëvizjes “Diaspora për Shqipërinë e Lirë” rinjtë janë realisht të frustruar nga gjendja dhe realiteti politik në Shqipëri dhe sipas tij qytetarët ndihen të revoltuar jo vetëm me vrasjen por me kufizimin e drejtave të protestës dhe dhunimin e protestuesve.

Ai tregon se në shenjë solidaritet me atë që po ndodh sot në Shqipëri një grup të rinjsh kanë zhvilluar një protestë modeste në Stamboll.