Gjykata e Tiranës lë në qeli 1 protestues, për 10 të tjerë ‘arrest shtëpie’

Ditën e djeshme Gjykata e Tiranës ka përfunduar masat edhe për 35 të arrestuar të tjerë përgjatë protestave. 

Për 24 prej tyre është caktuar masa “detyrim paraqitje”.

Ndërsa 10 të tjerë janë lënë në “arrest shtëpie” dhe vetëm një prej tyre është lënë në burg për 15 ditë, kohë kur prokuroria të sjell prova të tjera që të bind gjykatën.

Të dielën gjykata e Tiranës la në burg 3 persona, për 5 të tjerë vendosi arrest në shtëpi ndërsa për 9 shtetas u vendos detyrim paraqitje.

Protesta e gjashtë që u zhvillua dje në “Sheshin Skënderbej” në kryeqytet u mbyll paqësisht.

Policia ishte prezente gjatë gjithë kohës në shesh, por nuk ishte nevoja të përdorte as ujë, as gaz lotsjellës dhe as ndonjë formë tjetër të forcës, pasi grupi i vogël i protestuesve vetëm qëndroi për disa minuta në shesh duke mos demonstruar asnjë akt dhune.

Lexoni gjithashtu:

Protesta për Klodianin, familjarët dhe avokatët akuzojnë policinë për ndalime të paligjshme

Mbyllet paqësisht protesta e gjashtë për vrasjen e Klodian Rashës