Bie numri i viktimave nga Covid-19 në Kosovë

Gjatë 24 orëve të fundit në Kosovë janë kryer 1158 teste të dyshuara për Covid-19, ndërsa 296 prej tyre kanë rezultuar të prekur.

Të dhënat janë bërë publike nga ana e Institutit Kombëtar të Shëndetit Publik, i cili raporton një ulje të ndjeshme të numrit të viktimave nga Covid-19.

IKSHPK-ja thotë se në orët e fundit kanë humbur jetën pesë qytetarë, duke e çuar numrin total të vdekjeve 1.225, që nga fillimi i pandemisë.

“Numri total i rasteve pozitive është 47.499 raste nga 166.741 persona të dyshimtë në virusin SARS-CoV-2 dhe 1.225 raste të vdekjes. Gjatë 24 orëve të fundit, janë shëruar 319 pacientë derisa numri i përgjithshëm i të shëruarve deri më sot është gjithsej 34.956 raste, kurse numri i rasteve aktive është 11.318”, thuhet në njoftim.  

Rastet pozitive:

Komuna Prishtinë 139 raste, Podujevë 25 rast, Fushë-Kosovë 19 raste, Gjakovë 16 raste, Lipjan 16 raste, Drenas 14 raste, Mitrovicë 13 raste, Gjilan 12 raste, Ferizaj 10 raste, Rahovec 6 raste, Vushtrri 5 raste, Obiliq 4 raste, Klinë 3 raste, Skënderaj 3 raste, Viti 3 raste, Prizren 2 raste, Kamenicë 2 raste dhe me nga 1 rast komunat: Graçanicë, Ranillug, Shtime dhe Suharekë.

Ministria e Shëndetësisë në Kosovë krahas buletinit ditor për shifrat e Covid-19, kërkon nga qytetarët të tregohen vigjilentë dhe të shmangin vendet ku vihen re grumbullime masive.