COVID-19 detyron shtyrjen me tre javë të turneut të tenisit Australian Open

Turneu i mirënjohur i tenisit Australian Open do të nisë zyrtarisht më 8 shkurt dhe jo në janar.

Autoritetet kanë vendosur ta shtyjnë me tre javë mbajtjen e turneut të parë Grand Slam për vitin e ardhshëm për shkak të pandemisë së COVID-19.

Sipas kalendarit fillestar turneu do të duhej të niste më 18 janar, me pritshmëritë për t’u luajtur deri më datë 31, mirëpo fakti se disa shtete kanë masa kufizuese dhe detyrim karantine për ata që udhëtojnë e ka bërë të detyrueshme që ky event të rishikohej.

Tashmë kualifikueset për djemtë do të zhvillohen në Doha të Katarit duke nisur nga data 10 janar.

Zyrtarisht sezoni i ardhshëm nis më  5 janar me evente si më minore në Shtetet e Bashkuara dhe Turqi.

Sezoni i fundit u mbyll me shpalljen sërish si numrin një në botë të Novak Djokoviç, i cili fitoi vetëm një titull Grand Slam. Pas tij u renditën Rafael Nadal dhe Dominic Thiem.

Ndërsa për vajzat, Ashleigh Barty u rendit e para duke lënë pas Simona Halepin dhe Naomi Osakan.

Lexoni gjithashtu:

Në mëdyshje për të ndjekur shkollën apo tenisin, 19-vjeçarja Iga Swiatek fiton turneun e French-Open

Zverev triumfon në Finale, tenisti gjerman mundi kanadezin Auger Aliassime