Mbërrijnë vaksinat në Serbi, mjeku Salihu: Dozat e para për të moshuarit

Në Serbi kane mbërritur dozat e para të vaksinës Pfizer. Një gjë të tillë e ka konfirmuar gjatë një lidhje direkte me Euronews Albania edhe Driton Salihu, drejtor në Shtëpinë e Shëndetit në Preshevë. Ai u shpreh se rreth 4800 doza do të shpërndahen dhe do të përdoren për të moshuarit.  

Driton Salihu theksoi se aprovimi për përdorim emergjent I është dhënë vetëm vaksinës së partnerëve Pfizer dhe BionTech, ndërsa vendi po teston edhe vaksinën ruse.

Z. Salihu bëri me dije se ndër personat e pare që do të vaksinohen, përveç të moshuarve, do të jenë edhe stafet e shëndetësisë, policia dhe ushtria serbe.

Për mbërritjen e vaksinave u zotua përpara dy ditësh presidenti serb Aleksandër Vuçiç, i cili shprehu vendosmërinë se Bashkimi Evropian nuk do ta pengonte këtë procedurë. Ndërkohë në vendet e BE pritet ta fillojë vaksinimi në datën 27 dhjetor.