Krishtlindje pa besimtarë në kishë, Imzot Frendo: Masat e reja, të nxituara dhe diskriminuese për katolikët

Besimtarët katolikë dhe orthodoksë nuk do të kenë të mundur të kryejnë ritualin besimtar më të rëndësishëm të vitit, vigjiljen e lindjes së Krishtit, në 24 dhjetor, duke hyrë data 25 dhjetor.

Qeveria shqiptare vendosi të kufizojë lëvizjen e qytetarëve pas orës 20.00 të datës 24 dhjetor, duke mos lejuar kështu besimtarët që të drejtohen tek objektet e kultit, për të ndjekur meshën.

I pari që ka reaguar për këtë vendim të komitetit të ekspertëve është Imzot George Frendo. Ai thotë publikisht se vendimi i marrë është diskriminues.

“Kisha Katolike i kishte marrë te gjitha masat që te kremtohej mesha para orës 22:00. Ky ndryshim i papritur duket i nxituar dhe diskriminues” deklaroi paraditen e sotme Imzot George Frendo.