Shkodër, dyshohet se qëlluan me armë në drejtim të lokalit të efektivit, shpallen në kërkim 4 persona

Policia e Shkodrës ka identifikuar autorët e dyshuar të ngjarjes së djeshme në fshatin Drobraç, ku u qëllua me armë zjarri në drejtim të lokalit të efektivit të “Shqiponjave”, Alfred Pjetri.

Mësohet se në kërkim janë shpallur Orlando dhe Bardhok Planaj, Rivaldo Planaj dhe Mirsad Shpellza.

“Nga strukturat e DVP Shkodër, në bashkëpunim me Komisariatin e Policisë Shkodër, falë veprimeve të shpejta hetimore u identifikuan dhe u shpallën në kërkim shtetasit: R. P., O. P., B. P. dhe M. Sh.

 Shpallja në kërkim e këtyre shtetasve u bë pasi mbrëmjen e djeshme dyshohet se kanë qëlluar me armë zjarri në drejtim të lokalit të shtetasit A. P., banues në fshatin Dobraç, Shkodër. 

Vijon puna intensive për kapjen e personave të shpallur në kërkim. Grupi hetimor, nën drejtimin e Prokurorisë së Rrethit Gjyqësor Shkodër, po punon për zbardhjen e plotë të rrethanave të ngjarjes”, thuhet në njoftimin e policisë.

Incidenti ndodhi rreth orës  21:10 të mbrëmjjes së djeshme, ku fatmirësisht nuk pati persona të lënduar. 

Lexoni gjithashtu:

Të shtëna me armë zjarri në Shkodër, qëllohet mbi lokalin e efektivit të “Shqiponjave”