Dymbëdhjetë viktima nga Covid-19 në Kosovë

Prej ditësh në Kosovë raportohet një situatë e qëndrueshme për sa i takon pandemisë së Covid-19. Instituti Kombëtar i Shëndetit Publik bën të ditur se në 24 orët e fundit janë kryer 1066 teste, ndërsa 271 prej tyre janë konfirmuar pozitivë.

Pavarësisht përpjekjeve të mjekëve, 12 qytetarë të prekur me coronavirus kanë ndërruar jetë, duke e çuar numrin total të viktimave në 1248, që nga fillimi i pandemisë.

Një tjetër tregues, i cili shihet me optimizëm lidhet me numrin e të shëruarve. Gjatë orëve të fundit listës totale të të shëruarve i janë shtuar 417 qytetarë.

“Numri total i rasteve pozitive është 49.577 raste nga 175.052 persona të dyshimtë në virusin SARS-CoV-2 dhe 1.284 raste të vdekjes. Gjatë 24 orëve të fundit, janë shëruar 417 pacientë derisa numri i përgjithshëm i të shëruarve deri më sot është gjithsej 37.572 raste, kurse numri i rasteve aktive është 10.721”, njofton IKSHPK.

Rastet pozitive:

Prishtinë 121 raste, Fushë-Kosovë 16 raste, Podujevë 16 raste, Ferizaj 14 raste, Gjilan 12 raste, Gjakovë 11 raste, Prizren 10 raste, Pejë 8 raste, Skenderaj 8 raste, Lipjan 7 raste, Rahovec 6 raste, Deçan 5 raste, Kamenicë 5 raste, Drenas 4 raste, Mitrovicë 4 raste, Obiliq 4 raste, Novobërdë 3 raste, Shtime 3 raste, Viti 3 raste, Graçanicë 2 raste, Istog 2 raste, Klinë 2 raste, Malishevë 2 raste dhe me nga një rast komunat Junik, Kaçanik, Mamushë dhe Vushtrri.

Autoritetet shëndetësore ftojnë qytetarët që pa humbur kohë të kryejnë testimin nëse kanë shenja të infektimit me Covid-19.

“IKShPK edhe një herë apelon te të gjithë qytetarët që të vijnë të testohen në SARS-CoV-2 sipas indikacioneve epidemiologjike, në të gjitha Qendrat rajonale të shëndetësisë publike në Kosovë”, thuhet në njoftim.