Autopsia e Maradonës, alkooli dhe lëndët narkotike nuk ishin shkak i vdekjes të legjendës

Pas gati një muaj që nga vdekja e Diego Armando Maradonës kanë dalë dhe përgjigjet e para të autopsisë që tregon arsyen se pse legjenda e futbollit u nda nga jeta. 

Mediat argjentinase kanë raportuar se në ekzaminimet e kryera konfirmohet që shkak për vdekjen e “El Pibe D’oro” nuk është bërë përdorim i alkoolit apo i lëndëve narkotike. 

Po ashtu është bërë publike përgjigjja që tregon se legjenda argjentinase nuk konsumonte ilaçe për sëmundjet e zemrës,

Shkaku i vdekjes së Maradonës besohet të jetë si pasojë e edemës akute të mushkërive, si dhe një përkeqësim akut i zemrës, e cila peshonte 503 gramë, gati dyfish i peshës normale.

Në autopsinë e publikuar u gjetën gjurmë të një cirroze në mëlçi, një nekrozë tubulare akute në veshkë si dhe disa problem në mushkëri.