Skandali seksual trondit konservatorët, dorëhiqet kandidati për Londrën

29 Qershor 2023 | 14:07

Një tjetër skandal ka përfshirë politikën në Britani të Madhe.

Daniel Korski, kandidati i konservatorëve për kryebashkiak të Londrës hoqi dorë nga gara pasi një producente televizive e akuzoi atë se e ka ngacmuar 10 vite më parë.

Ish-këshilltari i Downing Street tha se ai po tërhiqej nga gara me trishtim, ndërsa vazhdoi të mohonte akuzat e bëra nga producentja.

“Unë mohoj kategorikisht akuzat kundër meje. Asgjë nuk më është paraqitur kurrë zyrtarisht 10 vjet më parë; as shtatë vjet më parë kur u aludua akuza. Asnjë hetim nuk është bërë. Unë kam qenë i qartë se do të mirëpres dhe do të marr pjesë konstruktivisht në çdo hetim. Megjithatë, presioni mbi familjen time për shkak të këtij pretendimi të rremë dhe të paprovuar e bën të pamundur vazhdimin e fushatës sime”, u shpreh Korski në deklaratën e tij.

Ai pretendoi se “taktikat e pista, fushatat e shpifjeve dhe strategjitë e fshehta kanë pllakosur këtë proces, duke kërcënuar integritetin dhe ndershmërinë që duhet të përcaktojë partinë”.

Me tërheqjen e sipërmarrësit me origjinë daneze, në garën e konservatorëve mbeten dy kandidatë. Fituesi do të përballet me kryetarin aktual të laburistëve, Sadiq Khan, i cili kërkon një mandat të tretë si kryetar bashkie i Londrës.

Home Kryefaqja
Shiko në: YouTube
Lajme të Sugjeruara

Macron: Fitorja e Magyar shënon fillimin e një epoke të re në Hungari

Presidenti francez, Emmanuel Macron vlerësoi sot fillimin e një “epoke të re” për Hungarinë dhe Evropën, gjatë pritjes në Pallatin Elysee, të kryeministrit të ri...
22:21 | 03/06/2026

Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit

Pas tre orësh, Asambleja e Përgjithshme e Kombeve të Bashkuara përfundoi votimin për të zgjedhur pesë anëtarët e rinj jo të përhershëm të Këshillit të Sigurimit për mandatin 2027-2028....
20:43 | 03/06/2026

Rreth 90 serbë dëbohen nga aeroporti i Tivatit, policia malazeze i cilëson rrezik për sigurinë

Rreth 90 shtetas të Serbisë janë dëbuar nga aeroporti i Tivatit dhe u është ndaluar hyrja në Mal të Zi, pasi konsiderohen “rrezik për sigurinë”,...
19:15 | 03/06/2026