Miratimi i buxhetit 2021, deputetët e Kosovës pritet të zhvillojnë mbledhjen e radhës

Deputetët e Kuvendit të Kosovës priten të mblidhen në një tentativë të fundit për të kaluar buxhetin e vitit 2021.

Në një postim në rrjetet sociale, ishte kryetari i grupit parlamentar të Lidhjes Demokratike të Kosovës, Arben Gashi, i cili deklaronte se tashmë janë mbledhur 40 firma deputetësh që kërkojnë kalimin e buxhetit.

Sipas Gashit, në seancën e ditës së hënë, në orën 11.00 pritet të votohet planifikimi i buxhetit, por edhe miratimi i marrëveshjeve ndërkombëtare që janë në procedure.

Më herët ishte kryeministri në detyrë Avdullah Hoti, i cili duke pranuar vendimin e Gjykatës Kushtetuese për jo-legjitimitetin e qeverisë së tij, kërkoi që kuvendi të mos shpërndahej pa u miratuar buxheti o vitit 2021.

Pritet reagimi i Lëvizjes Vetëvendosja e cila ka refuzuar që të votojë nismat e këtij parlamenti prej mëse dy muajsh.