Vaksinimi në Serbi, shteti i tretë në Evropë ku ka nisur injektimi me ‘Pfizer’

Prej pak ditësh në Serbi ka nisur procesi i vaksinimit me vaksinën e prodhuar nga kompania Pfizer dhe Bioentech.

Rreth 4875 doza të vaksinës janë transportuar tashmë në shtetin ballkanik. Serbia është shteti i tretë në Evropë pas Britanisë dhe Zvicrës ku ka nisur injektimi i vaksinës anti-COVID. Dozat e para do t’u jepen të moshuarve në qendrat e azilit.

E para që mori vaksinën e ‘Pfizer’ një ditë më parë ishte kryeministrja Ana Brnabic, e cila u shpreh se ndihej e lumtur që ishte kryeministrja e parë në Evropë që merrte vaksinën.

“Ne morëm të parët vaksinën pas Britanisë, sepse kemi punuar fort si një ekip. Jemi vendi i tretë evropian që nisim këtë proces. Dhe unë kisha nderin të isha kryeministri i parë evropian që vaksinohet.  Kjo tregon se sa i përkushtuar është vendi ynë. Është e mjaftueshme për të bindur të gjithë njerëzit e arsyeshëm se vaksinat janë të sigurta dhe se kjo është mënyra e vetme dhe e duhur për të ecur përpara.  

Në vitin 2020 ne pamë se si duket bota pa vaksina Nuk më pëlqen ajo botë”, u shpreh kryeministrja e Serbisë.

Gjatë vitit 2021 Serbia pritet të marrë vaksina edhe nga ‘Astrazeneca’ dhe Moderna. 

Gjatë të mërkurës në shtetin ballkanik u raportua për 4426 të infektuar dhe 52 viktima. Spitalet janë duke u përballur me një numër të lartë pacientësh.

Ndërsa nga nisja e pandemisë në total janë infektuar 312.000 njerëz. ndërsa 2833 kanë humbur jetën