Kryetarja e Kushtetueses/ Kush është Vitore Tusha

Vitore Tusha është e vetmja anëtare e Gjykatës Kushtetuese që ka mbetur në detyrë pas nisjes së procesit të vetingut. 50-vjeçarja e lindur në Tiranë është diplomuar në vitin 1983 në Fakultetin e Shkencave Politike-Juridike, dega Drejtësi.

Nga viti 1983 deri në vitin 1990 ka ushtruar detyrën e përmbarueses gjyqësore në Gjykatën e Rrethit Tiranë dhe më pas deri në vitin 1992 profesionin e avokatit. Në periudhën 1992-1994 ka ushtruar detyrën e gjyqtares në Gjykatën e Rrethit Tiranë dhe në vitet 1994-2001 atë të gjyqtares në Gjykatën e Kasacionit.

Në periudhën 1999-2001 ka qenë kryetare e Kolegjit Civil të kësaj gjykate. Në vitin 1997 ka marrë gradën shkencore “Doktor i Shkencave Juridike”. Në vitin 2004 zgjidhet nënkryetare e Dhomës Kombëtare të Avokatisë.

Znj. Tusha në mars të vitit 2008 është emëruar anëtare e Gjykatës Kushtetuese dhe gjithashtu ka  ushtruar funksionin e zëvendëskryetares së Këshillit të Emërimeve në Drejtësi, si dhe ushtron kompetencat e Kryetarit të Gjykatës Kushtetuese.