Largimi i Engel, politika në Kosovë dhe Shqipëri shpreh mirënjohjen

Si politika në Kosovë e cila ka pasur lidhjen më të ngushtë me diplomatin Engel sa i takon qasjes së tij për njohjen e Kosovës nga Serbia, si politika në Shqipëri kanë shprehur mirënjohjen ndaj Eliot Engel ditën e fundit të qëndrimit të tij në Kongres.

Vjosa Osmani, presidente në detyrë e Kosovës nuk mund të mos shprehte falënderimet e saj për shërbimin dhe miqësinë e paçmuar të Eliot Engel, siç shkroi dhe vetë Osmani përmes postimit të saj në Twitter.

Ajo ka vlerësuar vendosmërinë e Engel në shtetndërtimin e Kosovës dhe mbështetjen e tij në njohjen e nevojës për të vendosur drejtësi.

“Populli ynë është përjetësisht mirënjohës dhe ju urojmë të mira në përpjekjet tuaja të ardhshme,” – shkroi Osmani.

Thank you for your service and invaluable friendship, Congressman @RepEliotEngel! Your recognition of the need for justice and your resolve in supporting Kosovo’s state-building were indispensable. Our people are eternally grateful & we wish you well in your future endeavors.???? pic.twitter.com/NnJxjL7EWb

— Vjosa Osmani (@VjosaOsmaniMP) January 2, 2021

Ndërkaq deputeti i Partisë Demokratike të Kosovës, Enver Hoxhaj ka shprehur mirënjohjen e tij ndaj Engel përmes një postimi në faqen e tij zyrtare në Facebook.

“Përjetësisht falënderues ndaj mikut të madh të shqiptarëve Eliot Engel! Autoritet i pazëvendësueshëm politik dhe moral për të vërtetën për Kosovën dhe shqiptarët në Amerikë dhe më gjerë!” – thuhej në postimin e Hoxhaj.

Nga politika shqiptare ka reaguar kryedemokrati Lulzim Basha i cili shkroi në Twitter se ka ende punë për t’u bërë me diplomatin, mbështetja e të cilit, sipas Bashës ka qenë vendimtare.

“Shpreh mirënjohjen time më të thellë për mikun tonë të shtrenjtë dhe avokatit tonë të palëkundur Z. Eliot Engel. Faleminderit për mbështetjen vendimtare gjatë 3 dekadave, që ka sjellë pavarësinë e Kosovës dhe tranzicionin demokratik në Shqipëri, përfshirë anëtarësimin në NATO. Do të vazhdojmë më tej së bashku punën e papërfunduar ende,” – shkroi kreu i Partisë Demokratike në Twitter.

My deepest gratitude to our precious friend and strong advocate @RepEliotEngel. Thank you for your indispensable support over 3 decades, leading to ?? independence & democratic transition in ??,including NATO membership. Looking forward to continuing our unfinished work together! pic.twitter.com/tO5Tsis1Lp

— Lulzim Basha (@lulzimbasha_al) January 3, 2021

Lexoni gjithashtu: 

Dita e fundit e Eliot Engel në Kongresin Amerikan, diplomati largohet pas 32 vitesh

Diplomati Eliot Engel kritikon ashpër qasjen e SHBA-së mbi Kosovën

Dialogu Prishtinë-Beograd, Eliot Engel kritikon sërish SHBA: Qasje e ashpër ndaj qeverisë së Kosovës

Takimi në Uashington, Engel: Dokumenti përfundimtar të çojë në njohjen e Kosovës

Eliot Engel: Serbia jashtë BE-së, pa njohur Kosovën