Pse po ikin qytetarët? Inxhinieri shqiptar në Vjenë tregon pse u largua nga vendi

Shqipëria vazhdon të mbetet një vend me nivel të lartë të emigracionit. Sipas një raporti të Organizatës për Bashkëpunim Ekonomik dhe Zhvillim (OECD) vendi ynë renditet i katërti në botë për rritjen në normën e emigracionit të personave me aftësi të larta në punë.

Besmir Semanaj është një inxhinier i teknologjisë së informacionit, i cili punonte deri para dy vitesh për një kompani të huaj në Shqipëri, por zgjodhi ta lë vendin së bashku me familjen dhe sot ndodhet në Vjenë.

Ai tregoi për Euronews Albania shkaqet, të cilat sipas tij e detyruan të lë Shqipërinë për t’u larguar drejt vendit, ku sot jeton dhe punon bashkë me familjen.

“Për të qenë i sinqertë, më shumë e sa pjesa e parë, arsyeja e largimit është për një jetë më e mirë dhe një jetë dinjitoze. Pra, për të jetuar në një vend, ku të drejtat themelore zbatohen më mirë, ku mundësitë janë shumë më të lartë për një të ardhme më të mirë”, tha ai.

Inxhinieri pohon se një arsyet kryesore, që shqiptarët zgjedhin të ikin është se vendi i tyre nuk ofron kualifikime profesionale.

“Çdo person kërkon më shumë për veten, dhe Shqipëria për momentin nuk e ofron këtë gjë. Në katër vitet e fundit, vetëm në kompaninë time janë larguar tetë familja”, shtoi ai.

Lexoni gjithashtu: 

Meta, Rama dhe Basha përplasen për largimin e intelektualëve nga Shqipëria