Spitali ”turk” në Fier, kosto e ndërtimit përllogaritet deri në 70 mln euro

Kryeministri Edi Rama ka inspektuar sot zonën ku do të ndërtohet Spitali Rajonal i Fierit, me fonde te qeverise turke. Sipas përfaqësuesve të kompanisë turke kostoja do të shkojë deri në 70 milionë euro.

Për realizimin e këtij investimi do të punësohen deri në 1200 persona, ku rreth 30% e të cilëve do të jenë punonjës shqiptarë.

“Presim që spitali të kushtojë rreth 60-70 milionë euro. Presim që në kulmin e vet të punës të kemi 1000-1200 punonjës minimumi. Do përdorim edhe forcën e punës shqiptare, minimumi 20-30% e punonjësve të jenë nga forca e punës shqiptare dhe vëllezërit shqiptarë do na mbështesin për këtë”, tha përfaqësuesi i kompanisë turke.

Një javë më parë gjatë vizitës së kryeministrit Rama në Turqi, Presidenti i Turqisë Erdogan premtoi ndërtimin e spitalit brenda 3 muajve.