Ashpërsohen sulmet ruse, evakuime nga Kharkovi. Goditet hoteli i punonjësve të OKB

Një sulm i ri rus goditi qytetin ukrainas të Zaporizhias, duke lënë 16 të plagosur, mes të cilëve edhe fëmijë të moshave 16 dhe 3 vjeç.

Sipas mediave ukrainase, objektiv i sulmit ishte një hotel ku qëndronin punonjësit humanitarë të OKB-së. “Kjo është e papranueshme”, deklaroi përfaqësuesja e Kombeve të Bashkuara, Denise Broën.

Ndërkohë, mediat ruse raportuan se hoteli përdorej si bazë për grumbullimin e grupeve paraushtarake.

Në Moskë dhe në Krimenë e aneksuar u verifikuan sulme të shumëfishta me dronë.

Prania e tyre bëri që shërbimet në aeroportet e kryeqytetit rus të ndërprisnin shërbimet e tyre për shkak të paralajmërimeve për avionë të telekomanduar. Të paktën 10 fluturime të nisura nga aeroporti Vnukovo u detyruan të ndërronin kurs.

Ndërkohë, në rajonin e Kharkovit, në zonën e qytetit të Kupianskut, autoritetet kanë shpërndarë një urdhër evakuimi, si pasojë e avancimit të trupave ruse. Në zonë vlerësohet se janë rreth 12 mijë civilë.

LEXONI GJITHASHTU:

• Zelensky shkarkon shefat e të gjitha qendrave të rekrutimit për luftë
• Tre të vdekur nga një sulm rus në jug të Ukrainës, thotë Zelensky