Euro rritet lehtë/ Këmbehet mbi 105 lekë, rriten edhe dollari e paundi

Euro po fiton terren në kursin e këmbimit me Lekun gjatë kësaj jave dhe është kthyer sipër nivelit të 105 lekëve për herë të parë që nga fundi i muajit korrik.

Monedha europiane po këmbehet në nivelin e 105 lekëve këtë javë, në rritje mbi 1 lekë që nga fundi i javës së kaluar. Forcimi i Euros ka nxitur në rritje edhe kursin e valutave të tjera. Dollari Amerikan u këmbye me 96.7 lekë, në rritje me 1.65 lekë që nga fundi i javës së kaluar.

Paundi Britanik u këmbye me 122.9 lekë, në rritje me 2.7 lekë që nga fundi i javës së kaluar. Edhe për Paundin, njëlloj si për Euron, bëhet fjalë për vlerën më të lartë që nga data 28 korrik.

Mesazhet dhe ndërhyrjet e Bankës qendrore në tregun valutor, mund të kenë ndikim në rritjen kursit të valutave.

Por, ringritja e lehtë e Euros në kursin e këmbimit mund të shpjegohet pjesërisht me zbutjen e elementit sezonal.

Të dhënat historike tregojnë se gjatë sezonit veror kursi i Euros e arrin nivelin më të ulët në fillimin e muajit gusht, ndërsa në vazhdim ka një tendencë të lehtë të korrektimit në rritje.

Në fund të kësaj jave, Banka e Shqipërisë do të zhvillojë ankandin e dytë të blerjes së valutës për muajin gusht. Shuma e parashikuar për tu blerë në raundin e parë është 5 deri në 9 milionë euro.

LEXONI GJITHASHTU: 

• Peter Santo: Duhen hapa të tjerë për shtensionimin e situatës në veri të Kosovës
• “14 muaj martesë”, mediat amerikane: Britney Spears është ndarë nga bashkëshorti