Gjykata e Posaçme i kthen SPAK-ut dosjen për ish-drejtorin e burgut 313-të

Gjykata e Posaçme i ka kthyer SPAK-ut për plotësim të hetimeve dosjen ndaj ish-drejtorit të burgut 313, Eduard Struga.

Ky i fundit u arrestua për korrupsion më 3 prill të vitit të kaluar.

Bashkë me të SPAK mori si të pandehur përgjegjësin e sektorit të logjistikës Florian Ahmetaj dhe shtetasin Ervin Kurtulla.

Muajin e kaluar SPAK përfundoi hetimet për këtë çështje dhe të tre personat akuzohen se i kanë kërkuar dhe marrë 457 mijë lekë ryshfet sipërmarrësit të kafeve me makineta, Ilirjan Paço në këmbim të një kontrate qiraje për të ushtruar aktivitetin në mjediset e paraburgimit.

Në fillim të vitit të kaluar dy zyrtarët i kanë kërkuar Paços 100 mijë lekë, para të cilat ai ia ka dhënë Ervin Kurtullës dhe ky i fundit Ahmetajt dhe Strugajt.

Dy zyrtarët në fjalë dhe personi i përfshirë në korrupsion po gjykohen për “korrupsion”, “shpërdorim detyre” dhe “shkelje e barazisë në pjesëmarrjen në tenderë apo ankande publike”.

Lexoni gjithashtu:

• Ryshfet për një kontratë qiraje, SPAK dërgon në gjyq dy ish-zyrtarët e burgut 313-të
• Arrestohet drejtori i Burgut 313 në Tiranë, Eduard Struga