Ngrica dhe ulje temperaturash, Adiola Bani: Pritet të ketë temperatura deri në minus 13 gradë

Në fundjavë pritet që temperaturat të zbresin ndjeshëm. Sipas meteorologes Adiola Bani temperaturat mund të arrijnë deri në minus 13 gradë. Moti pritet që të përmirëoshet në fillimin e javës së ardhshme.

Meteorologia tha për Euronews Albania se Shqipëria aktualisht është përfshirë nga i ftohti i stuhisë Filomena, e cila në Evropën Perëndimore ka sjellë mjaft probleme.

Zonat malore pritet të jenë më të prekura nga ulja e temperaturave, ku pritet që termometri të shkojë deri në minus 13 gradë. Bani theksoi se javën e ardhshme pritet të ketë përgjithësisht mot të kthjellët pa reshje, pa dëborë, por kryesisht me ngrica.

Ekspertja e meteorologjisë këshilloi autoritetet dhe drejtuesit e mjeteve të kenë kujdes me rrugët, ndërkohë që situata pritet të përmirësohet vetëm pas mesjavës.

Të paktën deri të martën temperaturat e ulëta pritet të jenë dominuese në gjithë rajonin e Ballkanit.