Arrestohen dy vëllezërit në Dibër pas konfliktit me efektivët e policisë

Policia e Dibrës ka arrestuar 2 vëllezër, R. T, 22 vjeç dhe K. T, 24 vjeç.

Arrestimi i tyre u bë pasi në qytetin e Peshkopisë, janë konfliktuar për motive të dobëta me dy punonjës policie që ndodheshin jashtë detyrës, të cilëve u kanë shkaktuar dëmtime të lehta trupore.

Menjëherë kanë ndërhyrë shërbimet e Patrullës për shoqërimin në komisariat të dy vëllezërve, të cilët i kanë kundërshtuar punonjësit e patrullës duke i penguar në kryerjen e detyrave të tyre funksionale.

Mbi të rinjtë rëndojnë veprat penale  “Plagosja e lehtë me dashje”, kryer në bashkëpunim dhe “Kundërshtimi i punonjësit të policisë së rendit publik”.