Aksident në Tiranë, ndërron jetë 10 vjeçarja

Ditën e diel, në 17 janar rreth orës 12:30, në rrugën “Njazi Meka”, pas spitalit Amerikan 2, ka ndodhur një aksident me pasojë vdekjen e një të miture.

10- vjeçarja me iniciale A.P., është aksidentuar nga drejtuesi i mjetit me iniciale A.G., i cili është shoqëruar në Komisariatin e Policisë Nr.4.

“Grupi hetimor dhe shërbimet e Policisë ndodhen në vendngjarje dhe po punojnë për sqarimin e rrethanave të ngjarjes,” – thuhej në njoftimin e Policisë.

Burime për Euronews Albania bëjnë me dije se Ambra Petali, ka dalë nga banesa e saj duke i ndërprerë rrugën një mjeti Foristradë me targa AA 299 YG me drejtues mjeti shtetasin Alban Guri i pajisur me leje drejtimi të kategorisë B, dhe për pasoje ka  gjetur vdekjen nga goditja ne kokë.