Eugena Tomini emërohet zëvendësministre e Shëndetësisë

Anëtarja e Komitetit Teknik të Ekspertëve, njëkohësisht shefja e Epidemiologjisë në Institutin e Shëndetit Publik është emëruar zëvendësministre e Shëndetësisë.

Znj. Tomini bëhet zëvendësministrja e katërt në Ministrinë e Shëndetësisë, bashkë me Bardhylka Kospiri, Mira Rakacolli dhe Albert Nikolla.

Pak kohë më parë pati të tjera ndryshime në qeverinë Rama, pas largimit të Gent Cakaj nga Ministria për Evropën dhe Punët e Jashtme, në krye të të cilës u emërua Olta Xhaçka. Ndërkohë, në krye të Ministrisë së Mbrojtjes u emërua Niko Peleshi.

Ndërkaq, në krye të Ministrisë së Brendshme, në vend të Sandër Lleshaj u emërua Bledi Çuçi, ndërsa Milva Ikonomi zëvendësoi këtë të fundit në krye të Ministrisë së Bujqësisë.