Sondazhi i jep PS 41.8% të votave, PD me 28.2%, LSI 10.3% – Barometri Politik

Nën drejtimin e gazetares Ilva Tare, Euronews Albania ka publikuar sot sondazhin e parë për prirjen e votës së shqiptarëve në zgjedhjet e 25 prillit. Sondazhi është kryer nën udhëheqjen e kompanisë MRB, një nga më të mirënjohurat ndërkombëtarisht në fushën e sondazheve.

Sondazhi i parë për zgjedhjet e 25 prillit tregon se nëse zgjedhjet do të zhvilloheshin sot, 41.8% do të votonin për Partinë Socialiste, 28.2% për Partinë Demokratike, 10.3% për Lëvizjen Socialiste për Integrim dhe PDIU 1.5. Kurse të pa identifikuar janë 16.1%.

Bashkimi i të gjitha partive opozitare do t’i kthente zgjedhjet e prillit në një garë kokë më kokë mes pozitës dhe opozitës, zbuloi sondazhi i Euronews Albania.

Opozita e Bashkuar do të merrte 42.7 për qind të elektoratit, ndërsa Partia Socialiste do të merrte 44% të votave.

Të pavendosurit janë në masën 7.4 për qind, ndërsa ata që nuk do të votojnë përllogariten në masën 4.6 për qind.

Sondazhi zbuloi gjithashtu se shqiptarët janë të pakënaqur me gjendjen ekonomike të vendit, ndërsa shqetësohen nga papunësia, korrupsioni dhe emigracioni.

Ky ishte sondazhi i parë nga 5 sondazhe në total që do të zhvillohen periodikisht deri në ditën e zgjedhjeve. 

Ndiqni diskutimin e plotë:

Lexoni gjithashtu:

PS do të fitonte zgjedhjet nëse do të mbaheshin sot

Bashkimi i opozitës do t’i kthente zgjedhjet e 25 prillit në një derbi me PS

Papunësia, korrupsioni dhe emigracioni – shqetësimet kryesore të shqiptarëve

Shumica e shqiptarëve e shohin si të keqe gjendjen e ekonomisë në vend