Dritan Dajti transportohet për në spital

Dritan Dajti i dënuar për vrasjen e katër oficerëve të policisë është transportuar nga ambientet e burgut në QSUT.

Për transportimin e tij është angazhuar Policia e Tiranës dhe ajo e burgjeve ku efektivë të shumtë kanë blinduar spitalin.

Transportimi bëhet për një trajtim mjekësor, sapo është shtruar dhe po ekzaminohet.

Dritan Dajti u dënua me burgim të përjetshëm për vrasjen e katër punonjësve të policisë në gusht 2009 në zonën e Plazhit në Durrës në momentin që shkuan për ta arrestuar.

Pas një kalvari të gjatë, një treshe gjyqtarësh e gjykatave të Apelit pranuan kërkesën e Dajtit duke e kthyer dënimin në 25 vite heqje lirie në shkurt 2019.

Një vizitë tek okulisti në janar të vitit të kaluar nga Dajti solli një valë shkarkimesh në burgun e Peqinit.

Ministria e Drejtësisë shkarkoi drejtorin dhe disa punonjës të burgut pasi rezultoi se kishin shkelur detyrën.