Vrasje në Prishtinë, dyshohet se babai ka ekzekutuar të birin

Rreth orës 17:00, në rrugën “Ndue Përlleshi” në Prishtinë, dyshohet se Skënder Krasniqi, pas një zënke, ka vrarë me armë zjarri, djalin e tij, Albert Krasniqin.

Rastin e konfirmoi Policia e Kosovës, por pa dhënë më shumë detaje, ndonëse mësohet se viktima ishte në kërkim nga forcat e rendit, për shkak të dhunës në familje.

Pas vrasjes, dyshohet se ishte vetë Skënder Krasniqi që i ka telefonuar policinë për të bërë të ditur atë që kishte ndodhur.

Më pas forcat e rendit dhe ekipi i mjekoligjorëve shkuan në banesën e biznesmenëve të njohur.

Viktima njihej si bashkëshorti i ish-Miss Kosovës me të cilën është divorcuar, por bashkë kanë një vajzë, aktualisht nëntë vjeçe.