LIVE l Sondazhi i MRB, kush janë të pavendosurit e 25 prillit?

Sondazhi i MRB dhe Euronews Albania zbulon se 16.1% e të pyeturve ende nuk e dinë se për cilën parti do të votojnë në zgjedhjet e ardhshme parlamentare. Nga këta 5% thonë se nuk do të votojnë, 8.6% nuk e dinë dhe 2.5% refuzojnë të thonë për cilën parti do ta hedhin votën.

Andri Nurellari thotë se një pjesë e mirë e të pavendosurve nuk shprehen por ata e dinë për kë do të votojnë. Këtu tha ai luan rol fakti se ata i druhen frikës së deklarimit të votës nga një hakmarrje e mundshme e pushtetit.

Ndërsa ish-ministri Ylli Manjani thotë se kur një përqindje kaq e lartë nuk shpreh mendim për zgjedhjet, atëherë janë militantët që vendosur dhe këtë e cilësoi një rrezik për demokracinë.