Andi Koraqi tregon shkaqet e rritjes së infektimeve në Shqipëri

Shefi i laboratorit të mikrobiologjisë në Qendrën Spitalore Universitare, Andi Koraqi, në një intervistë për Euronews Albania tregoi se numri i lartë i të prekurve me COVID-19 në vendin tonë është reflektim i festave të fundvitit dhe grumbullimeve që janë bërë.

Sipas tij shfaqja e vaksinave ka sjellë si rezultat që njerëzit të shmangin protokollet e sigurisë anti-COVID dhe të mos respektojnë masat e marra.

Sa i takon zbulimit të mutacioneve të reja, Koraqi pohoi se Shqipëria nuk ka kapacitetet e duhura për t’i identifikuar variantet e reja të virusit COVID-19.

[
cite_header=Unë nuk di të them nëse mutacionet e reja kanë hyrë ose jo në Shqipëri për faktin se përderisa qarkullojnë në vendet kufitare mund të qarkullojnë edhe në vendin tonë dhe nga pikëpamja klinike është shumë e vështirë t’i dallosh. Nuk kanë asgjë përveç një transmetimi më të shtuar.
cite_author=Andi Koraqi
cite_description=Shefi i laboratorit të mikrobiologjisë në Qendrën Spitalote Universitare
]

Ndër të tjera ai theksoi se rritja e numrit të rasteve duhet parë si një shqetësim duke qenë se mund të ezaurohen të kapacitetet spitalore dhe kjo është pikërisht ajo të cilës i trembemi.

Shefi i mikrobiologjisë nuk la pa përmendur gjithashtu dhe efikasitetin e vaksinave, ku theksoi se në njohuritë e tij AstraZeneca është po aq efektive sa Moderna apo Pfizer.

Lexoni gjithashtu:

Infektimet me COVID-19 arrijnë shifra rekord, mbi 1 mijë të prekur në 24 orë