Botërori i Klubeve, Tigres, finalistja surprizë, goli i francezit Gignac eleminon brazilianët e Palmeirasit

Tigres është finalistja e parë e Kupës së Botës në futboll për klubet, e cila është duke u zhvilluar në Doha të Katarit. 

Ka mjaftuar një gol i Zhinjak nga pika e bardhë e penalltisë, që meksikanët, në mënyrë surprizë, të eliminojnë brazilianët e Palmeirasit.

Ekipi meksikan i Tigres është finalisti i parë i Botërorit të klubeve, pas fitores 1-0 të arritur në gjysmë-finale ndaj brazilianëve të Palmeiras.

Goli i vetëm i takimit u shënua nga sulmuesi francez Andre-Pierre Zhinjak, i cili arriti të shndërronte në gol 11-metërshin e fituar në minutën e 54-t të takimit.

Kjo është hera e parë që një ekip nga Meksika arrin në finalen e Botërorit të Klubeve. Në finale Tigres do të presë fituesin e gjysmëfinales që do të luhet të hënën, midis Bayernit të Mynihut dhe ekipit të Al Ahli.

Finalja e këtij kompeticioni do të zhvillohet ditën e enjte me 11 shkurt ne Doha të Katarit