Luis Suarez thyen rekordin e Cristiano Ronaldos në La Liga

Luis Suarez vijoi të hënën të dëshmojë se është një vlerë e shtuar te Atletico e Madridit. Në përballjen që “Los Rojiblancos” patën me Celta Vigon, uruguaiani realizoi dy gola duke thyer rekordin e Cristiano Ronaldos në kampionatin spanjoll.

I ashtuquajturi “El pistolero” shkoi kështu në kuotën e 16 golave, të cilat i ka realizuar në vetëm 17 ndeshje dhe për këtë ai është bërë lojtari më rezultativ në historinë e La Ligas – Ronaldo kishte realizuar 15 gola në 17 ndeshje në vitin 2009.

16 – Luis Suárez ?? has scored 16 goals in his first 17 games for Atlético de Madrid in LaLiga, becoming the fastest player to reach 16 goals for the same club in the competition in the 21st century (Cristiano Ronaldo ?? – 15 goals for Real Madrid in 2009/10). Amazing. pic.twitter.com/wHbLRFdA7P

— OptaJose (@OptaJose) February 8, 2021

Tridhjetekatërvjeçari u largua me parametër zero nga Barcelona pas përfundimit të kontratës. Largimi i tij solli mjaft pakënaqësi te katalanët, ku ndër ata që e folën hapur këtë pjesë ishte dhe Lionel Messi.

Për sa i përket ndeshjes, ajo përfundoi 2-2. Kjo ishte ndalesa e parë në kampionat për Atleticon që pas humbjes 2-0 me Realin në dhjetor. Sidoqoftë Atletico mbetet në krye me 51 pikë, 8 më shumë se Barcelona e vendit të dytë.