Operacioni anti-Ndrangheta në Itali kap 1300 kg kokainë

Në portin e një province të Kalabrisë autoritetet italiane sekuestruan 1300 kilogramë kokainë me vlerë 260 milionë euro të grupeve kriminale që lidhen me të ashtuquajturën ‘Ndrangheta.

Sasia e drogës u kap në portin Gioia Tauro nga Guardia di Finanza në tre kontejnerë, dy prej të cilave përmbanin kafe dhe mish të ngrirë të ardhur nga Brazili dhe një kontejner përbëhej nga fruta ekzotike me origjinë nga Ekuadori.

Hetimet në Itali tashmë janë përqendruar në identifikimin e personave të cilët duhet që të kishin marrë sasinë e drogës.

Në Krotone janë arrestuar rreth 36 të dyshuar, të cilët më parë kanë qenë të akuzuar për të njëjtat vepra penale, si dhe trafik armësh dhe grup kriminal mafioz.

Sequestrati al #Porto di #GioiaTauro, in meno di una settimana, da #GDF e @AdmGov di #ReggioCalabria più di 1.300 Kg. di #cocaina, per un valore di 260 milioni di euro.#NoiconVoi pic.twitter.com/lOzIvTUKW3

— Guardia di Finanza (@GDF) February 10, 2021

Hetimet kanë zbardhur gjithashtu mekanizmin e përdorur nga grupet kriminale për pastrimin e parave nga trafiku i drogës në disa kompani në Italinë e Veriut.

Në Lombardi, një investigim i tretë, solli arrestimin e 19 personave, dhe mbylljen e katër kompanive të transportit rrugor të cilat operonin midis Viadanës dhe Reggio Emilias.

I përfshirë në këtë trafik është dhe një këshilltar i mëparshëm bashkiak në Bashkinë e Viadanës, Carmine Tipaldi, i cili, sipas magjistratëve italianë, mund të ketë shërbyer gjithashtu si një referencë politike për organizatën kriminale.