Sekuestrohet kanabis dhe municion luftarak në Korçë, në pranga 36-vjeçari

Një 36-vjeçar është arrestuar në Korçë pasi është kapur me lëndë narkotike dhe me municion luftarak.

Policia bën me dije se në kuadër të operacionit policor të koduar “Tempulli” në pranga ka rënë shtetasi R. K.

Policia bën me dije se në një pikë grumbullimi skrapi të cilën 36-vjeçari e kishte në përdorim, ku gjetën një sasi municioni luftarak, 2 vazo qelqi me sasi të dyshuar lëndë narkotike cannabis sativa dhe disa qese plastike me 2.4 kg lëndë të dyshuar narkotike cannabis. Në vijim të veprimeve procedurale, gjatë kontrollit të ushtruar në banesën e tij u gjet edhe një tjetër sasi municioni luftarak, e cila u sekuestrua, së bashku me provat e tjera materiale.

Shërbimet e Policisë kanë ushtruar kontroll në lagjen nr. 17, Korçë, Nga hetimet e kryera dyshohet se shtetasi R. K., në bashkëpunim me shtetas të tjerë, shpërndante lëndë narkotike në afërsi të dy shkollave të mesme, në lagjen nr. 17, Korçë.

Vijon puna për dokumentimin e plotë ligjor të këtij aktiviteti kriminal dhe vënien përpara përgjegjësisë ligjore të shtetasve të tjerë të implikuar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU: 

• Berisha: Rama dhe Nikolla shkatërruan parlamentin, mohuan të drejtat opozitës
• Vuçiç shpall zgjedhjet në Serbi me 17 dhjetor