Guterres tha “Gaza po bëhet varrezë fëmijësh”, reagon ministri izraelit: Turp për ty

Ministri i Jashtëm i Izraelit, Eli Cohen, ka sulmuar Sekretarin e Përgjithshëm të OKB-së, Antonio Guterres, i cili më parë e përshkroi Gazën si një “varrezë për fëmijët” dhe bëri thirrje për një armëpushim të menjëhershëm.

“Turp të kesh,” shkroi Cohen në X, duke etiketuar Guterresin në postimin e tij.

“Më shumë se 30 të mitur, mes tyre një foshnjë 9 muajshe, si dhe të vegjël dhe fëmijë që panë prindërit e tyre duke u vrarë gjakftohtë,l po mbahen kundër vullnetit të tyre në Rripin e Gazës”,-tha ministri .

Ai shtoi se Hamasi është problemi në Gaza dhe jo veprimet e Izraelit për të eliminuar këtë organizatë terroriste.