Çmimet në treg po stabilizohen, ushqimet dhe argëtimi të shtrenjta

Çmimet në treg po stabilizohen, teksa inflacioni ka arritur në 3.8%. Megjithatë, ushqimet, argëtimi dhe mobiljet janë pjesë e grupit të mallrave që vazhdojnë të shiten shtrenjtë.

Inflacioni po pëson rënie të qendrueshme në vendin tonë. Në muajin tetor, ai preku nivelin 3.8%, teksa një vit më parë kulmoi në 8.3%.

Me matjet që bën Instituti i Statisitikave, ky është niveli më i ulët që nga muaji shkurt i vitit 2022, kur bashkë me pushtimin e ukrainës që destabilizoi tregjet, edhe energjia elektrike u zhyt në krizë prodhimi.

Ushqimet, argëtimi dhe moblijet e shtëpisë regjistruan inflacion mbi 5% në muajin tetor, grupe këto që po mbajnë lart infalcionin e përgjithshëm.

Ndërkohë edhe grupi i hoteleve, kafeneve dhe restoranteve pësoi rritje 4.8%. Nga ana tjetër, transporti ka vijuar të tkurret me çmimet më të ulëta se vitin e kaluar.

Edhe pse me rënie, inflacioni vijon të qëndrojë mbi objektivin e bankës së Shqipërisë, që synon ta kthejë atë në 3%. Institucioni monetar i qëndron analizës së saj se inflacioni do të kthehet në objektiv në mesin e vitit të ardhshëm.

Tregjet po stabiliozohen edhe në rajon e Europë në këtë periudhë, duke shënuar nivele inflacioni disa herë më të ulëta se vitin e kaluar.

LEXONI GJITHASHTU:

• BSH rrit normën e interesit, Sejko: Inflacioni do kthehet në objektiv 3%
• Inflacioni zbutet, por ekonomia në eurozonë pëson rënie