Nis vaksinimi në Vlorë, bluzat e bardha të spitalit rajonal marrin dozën e parë të ‘Pfizer’

Pas Tiranës dhe Shkodrës, edhe në Vlorë ka nisur procesi i vaksinimit.

Të parët që morën dozën e vaksinës ishin mjekët e këtij qyteti, ndërkohë që të pranishëm kanë qenë kryeministri Rama dhe Ministrja e Shëndetësisë, Ogerta Manastirliu.

Gjatë procesit të vaksinimit, krye-vaksinuesi nuk është ndjerë mirë dhe është transportuar me urgjencë në spital.

Korrespondentja e Euronews Albania në Vlorë Ebrieta Maçaj, tha se nga ora 10:30 e mëngjesit kur ka nisur vaksinimi dhe deri rreth orës 12 të së enjtes janë vaksinuar 80 mjekë dhe infermierë.

Sa i takon incidentit me krye-vaksinuesin, Maçaj tha se ai është ndjerë keq  përpara nisjes së procesit të vaksinimit dhe është dërguar për të marrë mjekimin e nevojshëm në spitalin rajonal të Vlorës.

“Burimet nga urgjenca thanë se gjendja e tij është e rënduar por menjëherë pas ekzaminimeve, çdo gjë është kthyer në normalitet,” – raportoi korrespondentja.

Lexoni gjithashtu: 

Rama nga Vlora: Të dielën nis vaksinimi i të moshuarve mbi 80-vjeç që janë personalitete

Rama: Prioritet, vaksinimi i të moshuarve që janë personalitete. Duhet t’i ruajmë

Princi Philip në spital, sipas Pallatit Mbretëror sëmundja e tij nuk ka lidhje me COVID-19