Rritet numri i viktimave në Kosovë nga Covid-19

Rritet numri i të vdekurve nga Covid-19 në Kosovë. Sipas Institutit Kombëtar të Shëndetit Publik, në 24 orët e fundit dhjetë persona kanë humbur jetën duke çuar në total numrin e viktimave në 1568.

Po ashtu tendencë rritëse vihet re edhe tek numri i të infektuarve.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 2.715 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 340 raste pozitive”, thekson IKSHPK-ja.

Rastet pozitive janë nga komunat:

Prishtinë 162 raste, Prizren 29 raste, Pejë 20 raste, Lipjan 18 raste, Mitrovicë 14 raste, Ferizaj 13 raste, Deçan 10 raste, Fushë-Kosovë 10 raste, Gjilan 10 raste, Vushtrri 10 raste, Gjakovë 8 raste, Graçanicë 7 raste, Kaçanik 4 raste, Rahovec 4 raste, Shtime 4 raste, Viti 4 raste, Obiliq 3 raste, Klinë 2 raste, Malishevë 2 raste, Skenderaj 2 raste, Suharekë 2 raste dhe me nga një rast komunat Istog dhe Podujevë.

Autoritetet shëndetësore u bëjnë apel qytetarëve të kenë një vëmendje të shtuar, me qëllim uljen e përhapjes së pandemisë në popullatë.