OBSH i kërkon informacion Kinës për rritjen rasteve të pneumonisë te fëmijët

23 Nëntor 2023 | 15:06

Organizata Botërore e Shëndetësisë i ka kërkuar Kinës informacion më të detajuar në lidhje me shpërthimin e një sëmundjeje të frymëmarrjes dhe rritjen e rasteve të pneumonisë së padiagnostikuar te fëmijët.

Që nga mesi i tetorit, OBSH tha se Kina veriore kishte raportuar një rritje të sëmundjeve të ngjashme me gripin krahasuar me të njëjtën periudhë në tre vitet e mëparshme.

Ditët e fundit, mediat lokale në qytete të tilla si Xian në veriperëndim kanë postuar video në internet të spitaleve të tejmbushura me fëmijë dhe prindër që presin të vizitohen nga mjekët.

Përmes një kërkese zyrtare OBSH i kërkon Kinës informacion shtesë sinë lidhje me rezultatet laboratorike nga shpërthimet e raportuara tek fëmijët.

Ndërkohë, u ka rekomanduar komuniteteve kineze të marrin masa parandaluese duke përfshirë vaksinimin, mbajtjen e maskave, mbajtjen e distancës nga njerëzit e sëmurë, qëndrimin në shtëpi kur janë të sëmurë dhe larjen e rregullt të duarve.

Autoritetet kineze ia kanë atribuar rritjen e rasteve gripit- dhe heqjes së kufizimeve të COVID-19.

Gjithashtu pohojnë se rritja e rasteve mund të ketë ardhur pas qarkullimit të patogjenëve të njohur duke përfshirë virusin sincicial të frymëmarrjes (RSV) dhe gripin – si dhe infeksionet e zakonshme bakteriale që prekin fëmijët, duke përfshirë pneumoninë e mikoplazmës.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Vazhdojnë bisedimet Izrael-Liban në Uashington

Bisedimet e ndërmjetësuara nga SHBA-të midis Izraelit dhe Libanit, të cilat ishin planifikuar të përfundonin mbrëmë, do të vazhdojnë edhe këtë të premte në Uashington....
09:25 | 26/06/2026

Treni përplas makinën në Britani, humb jetën shoferja. Pasagjerja 8-vjeçare në gjendje kritike

Një grua ka vdekur dhe një vajzë 8-vjeçare po lufton për jetën e saj pasi një tren u përplas me një makinë në një kalim hekurudhor në...
09:20 | 26/06/2026

Ndalimi i rrjeteve sociale për adoleshentët, Australia synon masa më të ashpra

Kryeministri i Australisë tha të premten se ishte i prirur të sigurohej që ndalimi i mediave sociale për fëmijët në vend të ishte sa më...
09:18 | 26/06/2026