Fidan Ukaj: Dialogu Kosovë-Serbi do të bëhet një prioritet për qeverinë Kurti

Analisti Fidan Ukaj deklaroi në Euronews Albania se dialogu Kosovë-Serbi do të bëhet një prioritet edhe për qeverinë e re.

Zoti Ukaj theksoi se thirrjet nga Uashingoni dhe Brukseli për rifillim të dialogut mes Kosovës dhe Serbisë, do të jenë një formë presioni për qeverinë që do të krijohet. 

“Zoti Kurti nuk ka thënë që nuk do të vazhdojë dialogun me Serbinë, por ka thënë që nuk është në prioritetet e tij”, tha ai më tej.

Analisti beson se zoti Kurti do ta përfaqësojë Kosovën denjësisht me ekipin e tij në dialogun Kosovë –Serbi.

Së fundmi, ambasadori i Shteteve të Bashkuara të Amerikës në Kosovë, Philip S. Kosnett gjatë një interviste për “T7” bëri thirrje që dialogu Kosovë- Serbi të rifillojë sa më shpejt pasi sipas tij “bota nuk pret”. 

Ndërkohë, lidhur me dialogun ka reaguar dhe presidenti serb, Aleksandër Vuçiç, i cili, gjatë një ceremonie në Beograd, është shprehur se dialogu është shumë i rëndësishëm për Serbinë, pavarësisht qëndrimit të Kosovës. 

Lexoni gjithashtu:

Ambasadori Kosnett thirrje për rifillim të dialogut Kosovë – Serbi

Prioritetet e qeverisë “Kurti”, nga dialogu tek lufta ndaj korrupsionit

Do të votoja pro bashkimit kombëtar Kosovë-Shqipëri, thotë Albin Kurti për Euronews