Përcaktohen çiftet çerek-finaliste të Kupës së Shqipërisë

Këtë të mërkurë në mjediset e stadiumit “Air Albania” është hedhur shorit për fazën çerekfinale të Kupës së Shqipërisë për sezonin 2020-2021. Ekipet si Skënderbeu, Kukës, Laçi, Korabi, Partizani, Teuta, Dinamo dhe Vllaznia, të cilat janë kualifikuar në fazën e 1/8-ve mësuan sot rivalët e tyre për fazën çerekfinale.

Fati i ka “buzëqeshur” Vllaznisë, e cila në këtë fazë do të presë në shtëpi Korabin e Kategorisë së Dytë, ndërsa sfidë më e lehtë në letër duket të ketë edhe Skënderbeu që do të përballet me Dinamon.

Përballja më interesante duket të jetë sfida mes Laçit dhe Partizanit, gjithashtu edhe verilindorët e Kukësit nuk do e kenë të lehtë me të ashtuquajturit “Djemtë e detit”, Teuta.

Pritet që të ketë surpriza pasi në këtë edicion Federata Shqiptare e Futbollit ka vendosur që ekipi që do të kualifikohet në fazën gjysmëfinale do të përcaktohet vetëm me një ndeshje dhe jo me sistemin vajtje-ardhjeje që është aplikuar më herët.

Çiftet e fazës çerekfinale të Kupës së Shqipërisë:

• Dinamo-Skënderbeu
• Laçi-Partizani
• Teuta-Kukësi
• Vllaznia-Korabi

Të gjitha sfidat e fazës çerekfinale do të luhen në datën 17 mars.

Lexoni gjithashtu:

Champions League, Real Madrid me 9 mungesa ndaj Atalantas, City kërkon suksesin edhe ndaj Gladbach

Champions League, Bayern fiton pa probleme me Lazion, Chelsea mposht Atleticon në shtëpi